Павлодарлық «Ertis» футбол клубы франциялық жартылай қорғаушысы Жереми Манзорромен ресми түрде келісім-шарт жасасқандығы жайлы хабарлайды. 27-жасар ойыншы өз мансабын «Реймс»(Франция) клубында бастаған. 2013/2014 жылғы маусымда болгариялық «Черноморец» командасында өнер көрсетті. Сол кездері Бургас қаласының ұжымын Димитар Димитров басқарған еді. Бұдан бөлек, футболшы «Бур-ан-Бресс Перонна» (Франция), «Славия София» (Болгария), «Судува» (Литва) құрамаларының намысын қорғап, өткен маусымда белгілі «Жальгирис» (Литва) сапында өнер көрсеткен еді.

 Қош келдің Жереми! Тек сәттілік тілейміз!