Павлодарлық «Ертістің» жартылай қорғаушысы Премьер-Лиганың 32-турында сырт алаңда көкшетаулық «Оқжетпеске» қарсы өткен жеңісті матч (1:2) жайлы пікірін айтты. 

- Бірінші таймда біз допты өз бақылауымызда ұстап екі жылдам гол салдық. Өкінішке орай, содан кейін бәсеңдеп қалғандай болып, гол өткізіп алдық. Екінші таймда қарсыластар жанкүйерлерін қуантқысы келгені анық, сондықтан үлкен күшпен алға ұмтылды. Бірақ, қорғаушыларымыз қауіптің бетін қайтарып отырды. 
Матч барысында ойын жүйесіне өзгеріс енгізуге тура келді. Өз мүмкіндіктерімізді толық пайдаланғанда жоғары есеппен жеңетін едік. Ең бастысы – біз үш ұпайды еншіледік. Көкшетауда орын алған олқылықтарды келесі ойында қайталамауға тырысамыз. Алда өте ауыр әрі жауапты сын күтіп тұр.